Fréttir

Fimmtudagur, 23. janúar 2020 - 22:30

Stjórn Framfarafélags Flateyjar óskar eftir tilnefningum til Umhverfisverðlauna félagsins fyrir árið 2019, en með Umhverfisverðlaunum Framfarafélagsins vill félagið efla vitund félagsmanna fyrir bættri umgengni í Flatey. Tilnefningar með rökstuðningi skulu berast á gydasteins70@gmail.is fyrir 20. Febrúar nk.

Fimmtudagur, 23. janúar 2020 - 22:30

Framfarafélag Flateyjar heldur aðalfund þann 7. mars nk. og óskar eftir framboðum í stjórn félagsins. Daði Heiðar Sigurþórsson mun víkja úr stjórn að þessu sinni sem og Gyða Steinsdóttir formaður, en lög félagsins leyfa að hámarki 6 ára setu sem hún hefur nú fyllt með miklum sóma. Aðrir núverandi meðlimir stjórnar gefa að sjálfsögðu kost á sér áfram, enda ákaflega gefandi og mikilvægt að vinna að hagsmunum okkar Flateyinga. Framboð og fyrirspurnir sendist á Gyðu Steinsdóttur, gydasteins70@gmail.is, fráfarandi formann Framfarafélags Flateyjar.

Fimmtudagur, 23. janúar 2020 - 22:15

Hin árlega Vetrarhátíð Framfarafélags Flateyjar verður haldin laugardaginn 7. mars nk. í Félagsheimili Fáks í Víðidal. Húsið opnar í kringum kl. 19:00 og borðhald hefst kl. 20:00.

Veislustjórn er í höndum stórfjölskyldunnar í Bræðraminni sem mun taka fagnandi á móti Flateyingum í gleði og söng. Borðin munu að venju svigna af kræsingum og barinn verður fullur af fjöri á svona líka hóflegu verði.

Miðaverð er 7.500 kr.

Pages